کےوایۍسی ڈومٛکھہٕ دہی
نوو یُوَر کسٹَمر (کےوایۍسی) چھِ اکھ شنٲختی تصدیقی عمل یۄسہٕ مختلف کارِبار/نیۍ خٔریدار شٲمِل گژھنہٕ وِزِ تہٕ وقتاً فوقتاً موجودٕ خٔریدارو ذٔریعہٕ سپدان چھِ۔
کےوایۍسی کیازِ چھُ ضروری؟
کےوایۍسی یُک بنیٲدِی مقصد چھُ شناختٕچ ژوٗرۍ، دہشت گردن ہنٛز پۄنسہٕ رٔنگۍ مدد، منی لانڈرنگ تہٕ مالی فراڈ رُکاوُن۔ کےویےسی چہِ عملہِ سۭتۍ چھُ مالیٲتی اِدارن تہٕ کارٕبارن خٔریدارس بہتر پٲٹھۍ سمجھنس منٛز مدد مِلان۔ آربی آئی کٮ۪ن اصولن مُطابِق چھِ، کےوایۍسی لٲزمی ضرورت بنیمٕژ۔
کےوایۍسی یٕچ عمل پوٗرٕ کرنہٕ خٲطرٕ چھِ خٔریدارَن ہٕنٛز درج ذیل تفصیٖل جمع یِوان کرنہٕ۔
- قونونی ناو
- شِناختی ثبوٗت
- شِناختی ثبوت مُطٲبِق سہی مستقل پتہ۔
- ہستی یا شخصہٕ سُنٛد قونونی رۄتبہٕ۔
کےوایۍسی فراڈٕ
امہِ پرووجنُک ناجٲئز فٲئدٕ تُلِتھ چھِ، دونٛکھہٕ باز جٲلی ایس ایم ایس/ٹیکسٹ میٚسیج سوزان یا بینکُک نماینٛدٕ آسنُک دِکھاوٕ کٔرِتھ خٔریٖدان ہٕنٛز ذٲتی تفصیٖل جمع کران۔ جال ساز چھِ خٔریٖدارَن فشنگ لنک، نتہٕ 10 نمبرَن ہُنٛد موبائل نمبر فراہم کران نتہٕ چھِ تِمَن ڈیجیٹل ڈِوایسس تام رسٲئی دِنہٕ خٲطرٕ مانہٕ راوان، یمہِ ذٔریعہٕ تِم خٔریٖدان ہٕنٛز ذٲتی تفصیٖل حٲصل کرنُک اِرادٕ چھِ تھوان تاکہ رقم ژوٗرِ کرنہٕ خٲطرٕ یِیہِ تہنٛدٮ۪ن بینکنگ اکاؤنٹن تام غٲر مَجاز رسائی حٲصل کرنہٕ۔
حالسی مَنٛز چھِ واریاہ معصوٗم لوکھ پننہِ محنتٕچ کمایہِ نِش امہِ دونٛکھہٕ دہی سۭتۍ اتھہٕ گٔمٕتۍ تہٕ یہِ سلسلہٕ چھُ وُنہِ تہِ جٲری۔